Lao Statistics Bureau
 Untitled Document
ພາສາລາວ | English

     ສູນສະຖິຕິແຫ່ງຊາດ

   Lao Statistics Bureau


 Untitled Document

ລາຍລະອຽດຂ່າວ


  

ຊົມເຊີຍ ວັນສະຖິຕິແຫ່ງຊາດ ວັນທີ 30 ເດືອນມິຖຸນາ ຢ່າງຊຸດໃຈ!


ເນື່ອງໃນໂອກາດສະເຫຼີມສະຫຼອງວັນສະຖິຕິແຫ່ງຊາດ ໃນວັນທີ 30 ເດືອນ ມິຖຸນາ 2016 ນີ້, ພາຍຫຼັງທີ່ສະພາແຫ່ງຊາດ ໄດ້ຮັບເອົາກົດໝາຍວ່າດ້ວຍສະຖິຕິ 30 ມິຖຸນາ ປີ 2010, ລັດຖະບານ ສປປ ລາວ ໄດ້ຕົກລົງເອົາວັນດັ່ງກ່າວເປັນວັນສະຖິຕິແຫ່ງຊາດ ແລະ ໃນປີດຽວກັນ ອົງການສະຫະປະຊາຊາດກໍໄດ້ຮັບຮອງເອົາ 20 ຕຸລາ ເປັນວັນສະຖິຕິໂລກ. ສະນັ້ນ, ເຊິ່ງໄດ້ໝູນວຽນມາບັນຈົບຮອດ 5ປີ.
ຖືໂອກາດນີ້, ສູນສະຖິຕິແຫ່ງຊາດໄດ້ຈັດຕັ້ງປະຕິບັດ ການສຳມະນາວິຊາການ ດ້ານວຽກງານສະຖິຕິ ເປັນເວລາ 3ວັນເຕັມ ໃນວັນທີ 27-29/06/2016 ທີ່ຫ້ອງປະຊຸມສູນເຝິກອົບຮົມສາກົນ ລາວ-ຍີ່ປຸ່ນ (ICTC) ແລະ ໃຫ້ກຽດໂອ້ລົມວຽກງານສະຖິຕິ ໂດຍທ່ານ ປອ. ສຸພັນ ແກ້ວມີໄຊ ລັດຖະມົນຕີກະຊວງ ແຜນການ ແລະ ການລົງທຶນ ແລະ ເປັນປະທານຂອງທ່ານ ປອ. ສະໃໝຈັນ ບຸບຜາ ຫົວໜ້າສູນສະຖິຕິແຫ່ງຊາດ, ທຽບເທົ່າຮອງລັດຖະມົນຕີ ເຊິ່ງມີຜູ້ມີສ່ວນຮ່ວມໃນວຽກງານສະຖິຕິ ຈາກບັນດາກະຊວງອ້ອມຂ້າງສູນການ, ບັນດາແຂວງໃນຂອບເຂດທົ່ວປະເທດ, ນັກທຸລະກິດ ແລະ ອົງການຈັດຕັ້ງສາກົນ ເຊິ່ງກອງປະຊຸມໃນຄັ້ງນີ້ໄດ້ປິ່ນອ້ອມຫຼາຍຫົວຂໍ້ຄື:
• ການສຳມະນາກ່ຽວກັບ ສະຖິຕິເພີ່ມຄວາມເຂົ້າໃຈ ກ່ຽວກັບການເພີ່ມປະສິດທິພາບໃນການຜະລິດສະຖິຕິເສດຖະກິດ-ສັງຄົມ ເພື່ອມາຮັບໃຊ້ແຜນພັດທະນາເສດຖະກິດ-ສັງຄົມ 5ປີ ຄັ້ງທີ VIII (ປີ 2016-2020) ເຊິງລົງເລິກໃນບັນດາດັດສະນີໝາຍ ທີ່ກ່ຽວຂ້ອງກັບການຕິດຕາມ ການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມແຫ່ງຊາດ ກໍຄືເປົ້າໝາຍການພັດທະນາແບບຍືນຍົງ (SDGs).
• ການແຈ້ງການດຳເນີນການສຳຫຼວດຫົວໜ່ວຍວິສາຫະກິດ-ຫ້າງຮ້ານ ປະຈຳປີ 2015 ແລະ ການເປີດບັ້ນການສຳຫຼວດດັດສະນີໝາຍສັງຄົມ ຂອງ ສປປ ລາວ (LSIS II).
• ການປະເມີນການຈັດຕັ້ງປະຕິບັດກົດໝາຍວ່າດ້ວຍສະຖິຕິ ແລະ ຍຸດທະສາດການພັດທະນາລະບົບສະຖິຕິແຫ່ງຊາດ 2010-2020 ພ້ອມທັງການກະກຽມການປັບປຸງຍຸດທະສາດການພັດທະນາ 2016-2020.
ນອກຈາກ, ການສຳມະນາແລ້ວກໍ່ຍັງມີຂະບວນການຍ່າງເພື່ອສຸຂະພາບ ແລະ ກິລາສ້າງບັນຍາກາດ ແລະ ຮັດແໜ້ນຄວາມສາມັກຄີລະຫວ່າງຂັ້ນສູນກາງ ແລະ ທ້ອງຖິ່ນ.

 Untitled Document